Назва музея “Мова, культура і быт беларусаў”
Профіль музея: этнографа-краязнаўчы
Дата заснавання: 2010 год
Адкрыты на падставе загада №60 установы адукацыі ад 01.04.2010
Агульная плошча: 40,8 м2
Госць у хату – сонца ў хату!
Кужаль, кросны, калаўрот
Клічуць у музей народ!
Музей “Мова, культура і быт беларусаў” быў
заснаваны ў 2010 годзе. Пачалося ўсё з таго, што настаўнікі і вучні вырашылі
сабраць прадметы быту сваёй мясцовасці. Усе захапіліся справай. Штодзённа музей
папаўняўся вышыванымі ручнікамі, кашулямі, збанамі, калаўротамі, з’явілася
жорны і нават кросны. З ахвотай да
дзяцей далучыліся дарослыя: бацькі, бабулі, дзядулі, аднавяскоўцы. Так,
дзякуючы намаганням вучняў, настаўнікаў і спагадлівасці аднавяскоўцаў, быў
заснаваны наш музей.
На
сённяшні дзень у ім налічваецца
320 экспанатаў.
Тут шмат цікавых рэчаў, некаторыя з іх датуюцца 19
стагоддзем.
У музеі
прадстаўлены наступныя экспазіцыі: “Лён любіць паклон”, “Быт і культура нашых
продкаў”, “Чалавек славіцца працай”. У 2015 годзе з нагоды святкавання 70-годдзя
вялікай Перамогі быў урачыста адкрыты Вугалок баявой славы.
На працягу года працуюць
таксама і зменныя выставы, у якіх адлюстроўваюцца разнастайныя каляндарныя
даты: “Мінулае стагоддзе шле нам віншаванні”, “Слава Вялікаму Кастрычніку”, “
Навагодняя цацка як сімвал радасці і шчасця нашых продкаў”, “Свята сонца і
вясны”, “Мір! Май! Праца!” і іншыя.
У
нас пабывалі госці з розных краін свету:
з Вялікабрытаніі, Злучаных Штатаў Амерыкі, Ізраіля, Расіі. Сведчаннем таму
запісы на розных мовах у кнізе водгукаў.
Творчая група тэлеканала “Беларусь-3” на чале
з вядучай Аксанай Вечар у рамках праекта “Наперад у мінулае” правяла здымкі
тэлеперадачы ў нашым музеі.
Работа
па зборы экспанатаў працягваецца, распрацоўваюцца тэксты новых экскурсій.
Комментариев нет:
Отправить комментарий